ERREPIDEAN
JACK KEROUAC
Zaharra da bidaia-bizitzaren metafora. Ez da, ordea, iraungi, ezta iraungiko ere. Jack Kerouac-ek ere bere ekarria egin zion kontaera horri, gu denok sortalde-sartalde eta ipar-hego eramanez Sal Paradise eta Dean Moriarty gogoangarrien ibileren bidez. Autobiografiatik asko duen eleberri honetan, pertsonaiak plazer eta salbamen bila abiatuko dira errepidean barrena, sexua, drogak eta jazza lagun.
Hirurogeiko hamarkadako kontrakulturaren abiaburuko testutzat jo izan da liburu hau. Orduan bila hasitako jendea (asko galduak) oraindik bila ari da, errepidean.
Jack Kerouac (Lowell Massachusetts-en jaioa, 1920an. St. Petersburg Florida-n hila, 1969an). Estatubatuar idazlea. Beat belaunaldiko kide nabarmenetako bat izan zen, William S. Burroughsekin eta Allen Ginsbergekin batera. Espiritualtasuna, drogak, gehiegikeria, festa, musika
Eta, parez pare, gizarte puritano zaharra. Tartean, Kerouacen kontraesanak, eta kontrakulturari zabaldutako ate oso bat.
Iñigo Roque Eguzkitza (Portugalete, 1976). Lanbidez, zuzentzailea EHUko Euskara Zerbitzuan. Hainbat literatura-lan itzuli ditu, batik bat portugesetik eta ingelesetik.